თბილისის ურბანული პოლიტიკა

უფლებამოსილების ამოწურვამდე ხუთი თვით ადრე კახა კალაძემ სფეროების მიხედვით ანგარიშების წარდგენა დაიწყო. დღევანდელი პრეზენტაცია დედაქალაქის ურბანულ პოლიტიკას და ამ კუთხით გატარებულ რეფორმებს დაეთმო. მთავარ მიღწევად ქალაქის განვითარების გენერალური გეგმის დამტკიცება და ის რეგულაციები სახელდება, რომელთა მიხედვით რეკრეაციულ ზონებში მშენებლობები იკრძალება, სამშენებლო კოეფიციენტებზე კი ლიმიტია დაწესებული. ქალაქის მთავრობა პრიორიტეტად ქალაქის ეკოლოგიური მდგომარეობის გაუმჯობესებას და მეტი მწვანე სივრცის შექმნას ასახელებს. ცალკე გამოწვევაა ქალაქის ისტორიული უბნების იერსახის აღდგენა და კულტურული მემკვიდრეობის ძეგლების რეაბილიტაცია. ორბელიანის და გუდიაშვილის მოედნების შემდეგ მერია სარესტავრაციო სამუშაოების დაწყებას სხვა ისტორიულ უბნებშიც აანონსებს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.