სააღდგომო პასკის ირლანდიური ტრადიციული რეცეპტი

სააღდგომო პასკის ირლანდიური ტრადიციული რეცეპტი ეს არის უგემრიელესი პასკის უმარტივესი რეცეპტი. პროდუქტების ჩამონათვალში შედის საქართველოში ხელმისაწვდომი პროდუქტები. რეცეპტი ეკუთვნის ირლანდიურს საცხობს, რომელსაც აქვს რამოდენიმე საუკუნოვანი ისტორია. რეცეპტი გადათარგმნილი და აპრობირებულია ჩემს მიერ. http://translating-service.com/ ღრმა ჭურჭელში ჩავყაროთ პასკის სუნელი (ყველაფერი 1/2 ჩაის კოვზი, დარიჩინი და მიხაკი უფრო ნაკლები ოდენობით), 1 შეკვრა ვანილი, დავასხათ 1,5 ჩ. ჭიქა ცხელი წყალი, დავუმატოთ: 1/2 შეკვრა 100გრ. დაჭრილი კარაქი (კარაქი დარბილდება, წყალი განელდება), 3ს. კოვზი საფუარი "იამუნა", ოდნავ მარილი, 1/2 ჩაის ჭიქა შაქარი, 2 კვერცხი, 1/2 ქილა შედედებული რძე, 4,5 ჩაის ჭიქა ფქვილი (პროგრესი). (ჭიქა ყველგან იგულისხმება 250გრ. შემცველობის. მოვურიოთ კოვზით, ჩავყაროთ 1.5 ჩაის ჭიქა ქიშმიში, გემოვნებით დაჭრილი გარგლის ჩირი/"კურაგა", ცუკატები. 3 წუთი ვთქვიფოთ მიქსერით. დავასხათ 1 ყავის ჭიქამდე ზეთი, კარგად გადავზილოთ ხელით. ისევ 3 წთ. ვთქვიფოთ მიქსერით და გადავზილოთ ხელით. თავდაფარული და შეფუთული ჭურჭელი დავდგათ 2 საათი თბილ ადგილას. ამოსულ ცომს დაამატეთ 1 ყავის ჭიქამდე ზეთი და კარგად გადაზილეთ ხელით. ჩასვით ფორმებში (ნახევრამდე შეავსეთ) და დააცადეთ ამოფუება თბილ ადგილას თავდაფარულ ფორმებში 30 წთ ან მეტი. მე ქაღალდის ფორმებში ჩავსვი და ფორმებს გაზეთვა არ დასჭირდა. ამოფუებულ ცომს ფუნჯით წაუსვით შაქრიანი წყალი: 5 ჩაის კოვზი შაქარს დაასხით 3 ჩაის კოვზი წყალი. ცხვება საშუალო ცეცხლზე 35/45 წთ-დამოკიდებულია აერღუმელზე. თუ 20 წუთში (მანამდე არ გახსნათ აერღუმელის კარი) გარედან იბრაწება და შიგნიდან უმია (მოსინჯეთ ხის ჩხირით), აერღუმელის ქვედა განყოფილებაში შედგით წყლიანი ჭურჭელი. მოცემული რაოდენობის პროდუქტით გამოდის 4 ცალი 10სმ დიამეტრის პასკა.