ორსულთა გარდაცვალების შემთხვევები

„კოვიდ-19“-ის გამო კიდევ ერთი მშობიარე ქალი დაიღუპა. 19 წლის გოგო თბილისში, ბოკერიას სახელობის კლინიკაში საკეისრო კვეთის შემდეგ გარდაიცვალა. ექიმებმა შეძლეს ახალშობილის გადარჩენა. მისი მდგომარეობა სტაბილურია. პანდემიის დაწყებიდან დღემდე, ვირუსს 13 ორსულის სიცოცხლე ემსხვერპლა. მონაცემებს საგანგაშოს უწოდებს ჯანდაცვის მინისტრი. ლეტალური შედეგების გამომწვევ მიზეზებს გინეკოლოგთა ასოციაცია შეისწავლის. თუმცა, წინასწარი მოსაზრებებით, ხშირია დაგვიანებით მიმართვიანობის შემთხვევები. მედიკოსები ორსულ ქალებს ვაქცინაციისკენ მოუწოდებენ. მეანგინეკოლოგი დავით გაგუა, კვლევებზე დაყრდნობით აცხადებს, რომ აცრა უსაფრთხოა ყველა ტრიმესტრში და ლაქტაციის დროს. ის მინიმუმამდე ამცირებს როგორც დედის, ისე ნაყოფის მდგომარეობის გართულების რისკებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.