© https://mtisambebi.ge/ - 80 წლის არის. ზემო სვანეთში თხილამურებით რბოლის ერთადერთი ოსტატია, მაგრამ მულახში ბავშვებს მხოლოდ კლდეზე ცოცვას ასწავლის. 12 მოსწავლე ჰყავს, თორმეტივე საზღვრისპირა სოფლიდან. არ ჩერდება. უნდა, რომ ბავშვებს თხილამურებით რბოლაც ასწავლოს, საქართველოში სპორტის ეს სახეობა აღადგინოს, მაგრამ ეკიპირება არ აქვთ, - ნარგისის ვლოგის პირველი სტუმარი ავღან ნავერიანია, სოფელ ჟაბეშიდან. „მთის ამბები“ სვანეთის სათემო რადიოსთან ერთად, ყოველ შაბათს, ნარგის ნიგურიანის ვლოგით, სვანეთიდან საინტერესო ადამიანებსა და ამბებს გაგაცნობთ.
