„ქალები ომში“- გამოფენა შვედეთში

საქართველოს თანამედროვე ისტორიის ერთ-ერთი რთული პერიოდი და 2008 წლის ომის მძიმე შედეგები. „ქალები ომში“,- გამოფენა ამ სახელწოდებით ამჯერად შვედეთში წარადგინეს. ფოტოგრაფ დინა ოგანოვას და მწერალ სალომე ბენიძის ერთობლივ ნამუშევარს დამთვალიერებელი სტოკჰოლმში გაეცნო. ფოტოწიგნის მთავარი გმირები განსხვავებული წარსულის, ასაკის, პროფესიისა და გამოცდილების მქონე ქალები არიან, რომელთა ცხოვრებაც ომმა სამუდამოდ შეცვალა. ქალები, რომლებმაც ყველაზე ძვირფასი ადამიანები დაკარგეს, თუმცა მიუხედავად გადატანილი ტრაგედიისა, შეძლეს, ცხოვრება თავიდან დაეწყოთ და ნანგრევებზე ახალი სახლები აეშენებინათ. წიგნის ავტორები მიიჩნევენ, რომ შექმნილი ვითარების გათვალისწინებით, ოკუპაციაზე სალაპარაკოდ, საერთაშორისო პლატფორმების გამოყენება უაღრესად მნიშვნელოვანია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.