სისხლის სამართლებრივი გამოძიების კურსი-ს მონაწილეებს სერტიფიკატები გადასცეს

20.12.2014 03:14

შინაგან საქმეთა სამინისტრო

არხი

შინაგან საქმეთა მინისტრის მოადგილე ლევან იზორიამ და საქართველოში აშშ-ს ელჩის მოადგილის მოვალეობის შემსრულებელმა ჯეიმს ჰაინმა შსს-ს აკადემიაში „სისხლის სამართლებრივი გამოძიების კურსი“-ს მონაწილეებს სერტიფიკატები საზეიმოდ გადასცეს. სერტიფიკატების გადაცემის ცერემონიას შსს-ს აკადემიის რექტორი ნუკრი გელაშვილი, აშშ-ს საელჩოს ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს ხელმძღვანელი ტრეისი ნიუველი, მრჩეველი პოლიციის საკითხებში მაიკლ უილსონი და სხვა ოფიციალური პირები დაესწრნენ. შინაგან საქმეთა სამინისტროს, ფინანსთა სამინისტროს, სასჯელაღსრულებისა და პრობაციის სამინისტროს და მთავარი პროკურატურის გამომძიებლებისა და პროკურორებისთვის 6 კვირიანი სასწავლო კურსი ჩატარდა, რომელიც საქართველოში პირველად განხორციელდა. სწავლების კურსი მიზნად ისახავდა ინსტრუქტორების მომზადებას სისხლის სამართლის გამოძიების საბაზისო სტანდარტული პროგრამით, რომელიც ადაპტირებულია საქართველოს კანონმდებლობასთან და ქართულ რეალობაზეა მორგებული. სიახლის სრულად სანახავად გადადით შემდეგ ლინკზე: http://goo.gl/8a4YB3

გაზიარება: