#მოამბე 21 საათზე, 28 მარტი, 2024 #LIVE

• ნიკა გვარამიას სარჩელის განხილვაზე სტრასბურგის სასამართლოს უარს მმართველი გუნდი ქართული მართლმსაჯულების დამოუკიდებლობის კიდევ ერთხელ დადასტურებას უწოდებს - პარლამენტის თავმჯდომარე ქართული სასამართლოს წინააღმდეგ ორკესტრირებულ შეტევაზე საუბრობს, მოსამართლე ლაშა ჩხიკვაძე კი, რომლის გვარიც გვარამიას მიმართ გამამტყუნებელი განაჩენის გამოცხადების შემდეგ აშშ-ში დაგეგმილი სასწავლო პროგრამის მონაწილეთა სიიდან ამოიღეს, აშშ-ის საელჩოდან განმარტებებს ელის • საფრანგეთის ეროვნულმა ასამბლეამ გარე ჩარევის წინააღმდეგ ბრძოლის შესახებ პრეზიდენტ მაკრონის პარტიის მიერ შეთავაზებულ კანონპროექტს მხარი დაუჭირა - პარიზის გადაწყვეტილება „ქართულ ოცნებას“ საქართველოში დაწუნებულ ინიციატივას ახსენებს და დოკუმენტის ირგვლივ არსებულ პარალელურ რეალობას უსამართლოს უწოდებს; მხარეთა პოზიციები • ევროპელი ფერმერების მოთხოვნა და მიმდინარე მოლაპარაკებები - დასავლეთი უკრაინული სოფლის მეურნეობის პროდუქციის ევროკავშირში იმპორტისა და გადაზიდვის საკითხზე მსჯელობს; აგრარული პროდუქციის იმპორტთან დაკავშირებული მრავალთვიანი უთანხმოება, ბელგიის წინადადებები ვროკავშირის ელჩებსა და კიევს და პოლონეთ-უკრაინის სამთავრობოთაშორისო შეხვედრა ვარშავაში • ოკუპირებული აფხაზეთიდან გადმოსვენებული შვიდი ადამიანის ნეშტი ოჯახის წევრთა გადაწყვეტილებით საგვარეულო სასაფლაოებზე დაიკრძალა, ხუთი მათგანი კი დიღმის ძმათა სასაფლაოზე სამხედრო პატივით დაკრძალეს - ტერიტორიული მთლიანობის აღდგენისთვის ბრძოლაში უგზო-უკვლოდ დაკარგულთა მძიმე ისტორიები, ცხედრების ძებნა-იდენტიფიკაცია და გადმოსვენება ათეულობით წლის შემდეგ ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.