გართულებული ეპიდემიოლოგიური ვითარება საქართველოში

ოთხთვიანი შედარებითი სიმშვიდის შემდეგ საქართველოში კოვიდ-პანდემიის მესამე ტალღა დაიწყო. სიტუაციას განსაკუთრებით ართულებს ის გარემოება, რომ ქვეყანაში აქტიურად ცირკულირებს ე. წ. ბრიტანული შტამი, რომელიც გადადების მაღალი ხარისხით გამოირჩევა. ინფიცირებულთა 30%-მდე წილი სწორედ ამ ახალ შტამზე მოდის, რის გამოც ეპიდემიოლოგები რეგულაციების აღსრულების კონტროლის გამკაცრებას ითხოვენ და მოსახლეობას განსაკუთრებული სიფრთხილისკენ მოუწოდებენ. წინა კვირასთან შედარებით, 10-დან 17-მდეა გაზრდილი მსხვილი კლასტერების რაოდენობა, მკვეთრად მოიმატა კორონავირუსის გავრცელების მაჩვენებელმაც. ამოქმედდება თუ არა ინფექციის სწრაფი გავრცელების შესაკავებლად ცოტა ხნის წინ მოხსნილი შეზღუდვები თავიდან - ამ საკითხზე საკოორდინაციო საბჭო სავარაუდოდ, ხვალ იმსჯელებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.