კორონავირუსის პრევენცია

კორონავირუსის ეპიცენტრში ნამყოფ და საქართველოში შემოსულ ორ მოქალაქეს ექიმები ამ წუთებშიც აკვირდებიან. იქ, სადაც ინფექციის კერააა, ქალაქ უხანში, დედა-შვილი ბოლოს 19 იანვარს იმყოფებოდა. მესამე ქვეყნის გავლით ჩამოსული ქალი შვილთან ერთად აეროპორტიდან პირდაპირ ინფექციურ საავადმყოფოში გადაიყვანეს, რადგან დედას ტემპერატურა აღენიშნება. ლაბორატორიული გამოკვლევის პასუხები რამდენიმე საათში გახდება ცნობილი. კვლევები უტარდება ჩინეთიდან ჩამოსულ მამაკაცსაც, რომელიც საეჭვო სიმპტომებით ასევე ინფექციურ საავადმყოფოშია მოთავსებული. ამ ეტაპზე ახალი ტიპის კორონავირუსი საქართველოში დაფიქსირებული არ არის. განგაში ცრუ აღმოჩნდა ყაზბეგიდან ჩამოყვანილი ეროვნებით ჩინელი ორი ბავშვის შემთხვევაში, რომლებსაც „ა“ ტიპის ვირუსი აღმოაჩნდათ. რაც შეეხება ჩვენი ქვეყნის იმ ხუთ მოქალაქეს, რომლებიც უხანში იმყოფებიან, მათი ევაკუირების საკითხზე ქართული მხარე თურქეთთან ერთად მუშაობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.