შალვა პაპუაშვილი USAID საქართველოს ოფისის დირექტორს შეხვდა

საქართველოს პარლამენტის თავმჯდომარე აშშ-ის საერთაშორისო განვითარების სააგენტოს საქართველოს ოფისის ახალდანიშნულ დირექტორს, ჯონ პენელს შეხვდა. საუბარი შეეხო წლების განმავლობაში გაწეულ მხარდაჭერას. აგრეთვე, პარლამენტის თავმჯდომარის პრიორიტეტებსა და საქართველოს პროგრესს ევროკავშირის რეკომენდაციების განხორციელებასთან დაკავშირებით. მხარეებმა განიხილეს საქართველოს პარლამენტსა და აშშ-ის საერთაშორისო განვითარების სააგენტოს შორის შემდგომი თანამშრომლობის შესაძლო მიმართულებები. შეხვედრას საქართველოში შეერთებული შტატების ელჩი კელი დეგნანი დაესწრო. დიპლომატმა ჟურნალისტებთან ყურადღება სამოქალაქო საზოგადოების როლსა და მნიშვნელობაზე გაამახვილა. მისი თქმით, მესამე სექტორის დანიშნულება არის პრობლემური საკითხების გამოკვეთა და საზოგადოების ინტერესების დაცვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.