ანზორ ქოქოლაძის საქმის განხილვა გრძელდება

ბიზნესმენ ანზორ ქოქოლაძის საქმის არსებითი განხილვა საქალაქო სასამართლოში კვლავ გრძელდება. პროცესზე ანზორ ქოქოლაძისთვის 2010-2011 წლებში წარდგენილ ბრალდების საქმეს განიხილავენ. კომპანია „ელიტ ელექტრონიქსის“ დამფუძნებელს გამოძიება თაღლითობასა და ფულის გათეთრებაში ადანაშაულებდა, თუმცა ბიზნესმენის შეფასებით, მისი დაკავება კომპანიის იძულებით დათმობას უკავშირდებოდა, რაზეც მან უარი განაცხადა. ანზორ ქოქოლაძის განცხადებით, 2011 წელს წარდგენილი ბრალის შემდეგ, სასამართლო განხილვები დროში ჭიანურდებოდა. მისი თქმით, მის მიმართ არ არსებობს მტკიცებულებები და წინა ხელისუფლების დროს დაწყებულ საქმეში, სასამართლოსგან გამამართლებელი განაჩენის მოლოდინშია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.