ბრიფინგი პარტიაში „საქართველოსთვის“

გიორგი გახარიას პარტიისა და „ნაციონალური მოძრაობის“ ინტერესების თანხვედრასთან დაკავშირებით, დღეს კიდევ ერთხელ ისაუბრეს „ქართული ოცნების“ წარმომადგენლებმა. გიორგი ვოლსკი აცხადებს, რომ გიორგი გახარია ნიკა მელიას დასაკავებლად ოპერაციის ჩატარებისთვის იმ ორ დღეს ითხოვდა, როდესაც სახელმწიფო სტრუქტურების ჩამოშლა დააანონსა „ნაციონალურმა მოძრაობამ“. მანამდე კი ერთ-ერთი ტელეკომპანიის ეთერში ირაკლი კობახიძემ განაცხადა, რომ 17 თებერვალს, გიორგი გახარიას გადადგომამდე ერთი დღით ადრე, კიევიდან მიიღეს ინფორმაცია „ნაციონალური მოძრაობის“ გეგმასთან დაკავშირებით ალტერნატიული მთავრობის ფორმირებისა და მიხეილ სააკაშვილის საქართველოში სარფიდან შემოსვლის შესახებ. როგორც კობახიძემ აღნიშნა, გიორგი გახარია, მათთვის სრულიად გაუგებარი მოტივით, ნიკა მელიას დაკავების ოპერაციის ორი-სამი დღით გადადებას ითხოვდა, რის შემდეგაც, მმართველ გუნდს მაშინდელ პრემიერ-მინისტრთან დაკავშირებით ეჭვები გაუჩნდა და კიევიდან მიღებული ინფორმაცია არ გაანდეს. გიორგი ვოლსკის თქმით, ირაკლი კობახიძე დამადასტურებელი ფაქტების თაობაზე უახლოეს პერიოდში კვლავ გააკეთებს განცხადებას, მათ შორის დაფინანსების წყაროებზე. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.