მართლმადიდებელი ეკლესია ასი ათასი მოწამის დღეს აღნიშნავს

საქართველოს მართლმადიდებელი ეკლესია 100 ათასი მოწამის დღეს აღნიშნავს. მეტეხის ხიდზე დღეს პარაკლისი ჩატარდება, სადაც მრევლს საშუალება ექნება სასულიერო პირებთან ერთად მტკვარში ყვავილების გვირგვინები ჩაასვენოს. რიტუალი მეტეხის ხიდზე 17 საათზე დაიწყება, მანამდე კი საქართველოს ყველა მოქმედ ტაძარში დილიდან საზეიმო ღვთისმსახურება აღევლინა. მართლმადიდებლებს ასი ათასი ქართველი მოწამის ხსენების დღეს ულოცავს პრემიერ-მინისტრი. „ჩვენი გმირი წინაპრების ხსოვნა საუკუნეთა განმავლობაში განსაზღვრავდა ჩვენი ხალხის სულიერ ღირებულებებს, განამტკიცებდა ჩვენს რწმენას და ასე იქნება მუდამ. გილოცავთ ამ დიდებულ დღესასწაულს“. - წერს ირაკლი ღარიბაშვილი სოციალურ ქსელში.. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.