გაბუნიას გინება პუტინს და ვითარება „რუსთავი2“-თან

გიორგი გაბუნიამ თავისი საავტორო გადაცემა PS-ი რუსულ ენაზე, რუსეთის პრეზიდენტის, ვლადიმერ პუტინის გინებით დაიწყო. ტელეწამყვანმა მიმართვაში ასევე გინებით მოიხსენია რუსეთის პრეზიდენტის გარდაცვლილი მშობლებიც. გაბუნიას ამ გადაწყვეტილებას არხის გენერალური დირექტორი ფეისბუქლაივით გამოეხმაურა. მოგვიანებით კი ნიკა გვარამიამ კვირის აქცენტებში ეკა კევსიტაძესთან ერთად განმარტებები გააკეთა. კვესიტაძემ გაბუნიას ნაცვლად მაყურებელს ბოდიში მოუხადა. მალე გიორგი გაბუნიას განცხადების გასაპროტესტებლად ტელეკომპანიასთან აქცია დაიწყო. ჩატარდეს გამოძიება წამყვანის გინების გამო და გადადგნენ გიორგი გაბუნია და ნიკა გვარამია, ასევე - დაიხუროს რუსთავი 2 - ასეთი იყო შეკრებილთა მოთხოვნები. აქციის მოანწილეები განსაკუთრებულ აგრესიას გამოხატავდნენ არხის ჟურნალისტების მიმართ, რომლებიც მათ შეკრებას აშუქებდნენ. ამის გამო ტელეკომპანიის დირექტორმა პირდაპირ ეტერში თქვა, რომ მაუწყებლობას აჩერებენ, ვიდრე უზრუნველყოფილი არ იქნებოდა, მათი ჟურნალისტებისა და პერსონალის უსაფრთხოება. ეთერი დაახლოებით ოთხი საათის განმავლობაში იყო გათიშული.რუსთავი2მა მაუწყებლობა დღეს დილით, 07:30 საათიდან განაახლა გამოიწერეთ ჩვენი არხი და იყავით აქტუალური მოვლენების ეპიცენტრში: https://goo.gl/anfTFi