თავდასხმა მალტაში

საქართველოს საგარეო საქმეთა სამინისტრო არ ადასტურებს „მალტა თუდეის“ მიერ გავრცელებულ ინფორმაციას, რომ მალტაში, ქალაქ ბირზებუჯას გარეუბანში სროლის დროს საქართველოს მოქალაქე დაიჭრა. უცხოური მედიის ინფორმაციით, ინციდენტის დროს დაიღუპა კოტ-დ’ივუარის მოქალაქე. ასევე დაჭრილია განას მოქალაქე. დაჭრილებიდან ერთ-ერთი კრიტიკულ მდგომარეობაშია და მას ოპერაცია ჩაუტარდა. მამაკაცებს ცეცხლსასროლი იარაღით მიყენებული ჭრილობა აღენიშნებათ. ამ დროისთვის პოლიცია დამნაშავეს ეძებს, რომელიც „ტოიოტას“ მარკის ავტომობილით გადაადგილდება. სავარაუდოდ, მან ცეცხლი მოძრავი ავტომობილიდან გახსნა. თვითმხილველების ცნობით, გზაზე, სადაც ინციდენტი მოხდა, ხშირად გადაადგილდებიან მიგრანტები. პოლიციას მომხდარის შესახებ ერთ-ერთმა დაზარალებულმა აცნობა. მომხდარზე გამოძიება გრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.