ალილოს მსვლელობა რეგიონებში

ქრისტესშობის დღესასწაულთან დაკავშირებით, ტრადიციული ალილოს საზეიმო მსვლელობა გაიმართა ყვარელში. მსვლელობაში სასულიერო პირები და ადგილობრივი მოსახლეობა მონაწილეობდა. სასულიერო პირებმა მრევლი დალოცეს და შობის დღესასწაული მიულოცეს. მსვლელობისას მოსახლეობის მიერ შეწირული საჩუქრები სოციალურად დაუცველ და განსაკუთრებული საჭიროების მქონე პირებს გადაეცემათ. ქრისტესშობის დღესასწაულთან დაკავშირებით, ალილოს ტრადიციული მსვლელობა გორშიც გაიმართა. მსვლელობა ღვთისმშობლის შობის საკათედრო ტაძრიდან დაიწყო.  სასულიერო პირებმა და ადგილობრივმა მოსახლეობამ ქალაქის ქუჩები ალილოს გალობით შემოიარეს. ატენისა და გორის მიტროპოლიტმა ანდრიამ, მოსახლეობა დალოცა და შობის დღესასწაული მიულოცა. პანდემიის გამო უკვე მეორე წელია ალილო არ ყოფილა ხალხმრავალი. ტრადიციული ალილოს მსვლელობა გაიმართა ქუთაისსა და ბათუმშიც, შეგროვდა შემოწირულობები, რომელიც მოგვიანებით მოქალაქეებს დაურიგდებათ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.