ჭიათურელი მაღაროელების მოთხოვნა

როგორ სრულდება შეთანხმება, რომელსაც ჭიათურელმა მაღაროელებმა მენეჯმენტთან 11-დღიანი გაფიცვის შემდეგ მიაღწიეს. მთავრობის წევრებით და „ჯორჯიან მანგანეზის“ წარმომადგენლობით დაკომპლექტებული საკოორდინაციო საბჭო დოკუმენტში გაწერილი ვალდებულებების მონიტორინგს იწყებს. შეთანხმების მიხედვით, მაღაროებში მომუშავეთა ხელფასი წლის განმავლობაში ეტაპობრივად 35%-ით უნდა გაიზარდოს, ასევე, უნდა გაუმჯობესდეს დასაქმებულთა კვება და სამედიცინო-სადაზღვევო მომსახურება. ადმინისტრაციის მიერ დასაქმებულებისთვის შეთავაზებული პირობების შესრულება ნაწილობრივ უკვე დაწყებულია. მაღაროელების ყველა მოთხოვნის სრულად დაკმაყოფილების მიზნით საკოორდინაციო საბჭოს წევრები უახლოეს დღეებში ჭიათურაში ჩასვლასაც გეგმავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.