საარჩევნო მოდელი და დიალოგის მეოთხე რაუნდი

კონსენსუსი არ არსებობს, დიალოგი გრძელდება. სამი უშედეგო რაუნდის შემდეგ ოპოზიცია ახლა ხელისუფლებისგან ელოდება ახალ შეთავაზებას. საარჩევნო მოდელზე სასაუბროდ მხარეები მოლაპარაკებათა მაგიდასთან სავარაუდოდ, პარასკევს კიდევ ერთხელ დასხდებიან. ე. წ. გერმანული მოდელის შემდეგ მმართველმა გუნდმა ის წინადადებაც დაიწუნა, რომელიც არსებულ მაჟორიტარულ სისტემაში ცვლილებას, ანუ მრავალმანდატიანი ოლქების შემოღებას გულისხმობდა. საპარლამენტო უმრავლესობა ოპონენტებს არჩევნების შერეული სისტემით ჩატარებას და საარჩევნო კანონმდებლობის გარშემო დიალოგს სთავაზობს. თუმცა, კანონთან ერთად ოპოზიცია საარჩევნო სისტემის შეცვლასაც ითხოვს. შეთანხმების არარსებობის მიუხედავად, ოპტიმისტური პროგნოზი აქვთ საერთაშორისო პარტნიორებს, რომლებიც საკონსტიტუციო ცვლილებების პროექტის ჩავარდნის შემდეგ შექმნილ ვითარებაში მხარეებს შორის შუამავლის ფუნქციას ასრულებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.