აქცია ბათუმში

მაჭახელას ხეობის მცხოვრებლები სოფელ ქედქედში ჰესის მშენებლობას კვლავ აპროტესტებენ. ადგილობრივებმა დღეს ბათუმის ცენტრალურ პარკში გადაინაცვლეს, სადაც ჰესების მშენებლობის წინააღმდეგ ხელმოწერებს აგროვებენ. აქციის მონაწილეები ამბობენ, რომ უკვე შეგროვდა 5 ათასზე მეტი ხელმოწერა, რომელსაც მიმართვასთან ერთად, პრემიერ-მინისტრს გაუგზავნიან. აქციის მონაწილეები მამუკა ბახტაძეს საქართველოს ეკონომიკის სამინისტროს მიერ ჰესის მშენებლობასთან დაკავშირებით გაფორმებული ყველა მემორანდუმის გაუქმებას სთხოვენ. დღევანდელი საპროტესტო აქცია ბათუმის ცენტრალურ პარკში კულტურული სანახაობების ფონზე მიმდინარეობს. გამოფენილია ხეობის ამსახველი ფოტოები, აქციაზე მისულ მოქალაქეებს ადგილობრივი კერძებითა და ღვინით უმასპინძლდებიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.