აღმოსავლეთ პარტნიორობის სამოქალაქო საზოგადოების ფორუმი

აღმოსავლეთ პარტნიორობის სამოქალაქო საზოგადოების რიგით მე-10 ფორუმი პარლამენტის თავმჯდომარემ გახსნა. ირაკლი კობახიძემ სიტყვით გამოსვლის დროს, სამოქალაქო საზოგადოების მნიშვნელობაზე ისაუბრა და აღნიშნა, რომ ბოლო წლებში სამოქალაქო საზოგადოება გაძლიერდა. მისი თქმით, საქართველოს პარლამენტი კვლავ ღია იქნება ნებისმიერი ინიციატივისათვის, კრიტიკისათვის და აქტიურად ითანამშრომლებს ქართულ და საერთაშორისო სამოქალაქო საზოგადოებასთან. პარლამენტის თავმჯდომარემ ხაზგასმით აღნიშნა, რომ მიუხედავად მიმდინარე და მწვავე პოლიტიკური დებატებისა, საქართველოში კარგადაა გაცნობიერებული სამოქალაქო საზოგადოების მნიშვნელობა. ღონისძიებაზე მიწვეულმა სტუმრებმა იმ პრობლემებზე იმსჯელეს, რაც მათი ქვეყნებისათვის დღემდე გამოწვევად რჩება. ფორუმზე სამი დრის განმავლობაში ასევე სამი რეზოლუცია გაფორმდება, ერთ-ერთი დოკუმენტი უკრაინასა და საქართველოში რუსეთის აგრესიასა და ოკუპაციას ეხება. ფორუმი სამ დღეს გაგრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.