გაერთიანებული ოპოზიცია თავდაცვის სამინისტროს განცხადებას ეხმაურება

გაერთიანებული ოპოზიცია თავდაცვის სამინისტროს გუშინდელ განცხადებას ეხმაურება. გიორგი ბარამიძისა და დიმიტრი შაშკინისთვის მიუღებელია, რომ თავდაცვის უწყების მისამართით გამოთქმული ბრალდებების საპასუხოდ არჩილ ომიაძემ ისაუბრა, რადგან მიიჩნევენ, რომ გენერალური შტაბის ხელმძღვანელი პოლიტიკურ განცხადებებს არ უნდა აკეთებდეს. გაერთიანებული ოპოზიცია თავდაცვის სამინისტროს საარჩევნო პროცესში ხელოვნური ბარიერების შექმნაში ადანაშაულებს და აცხადებს, რომ ცესკო-მ სიები უკვე დააკომპლექტა და ჯარისკაცები დისლოკაციის ადგილთან ახლომდებარე უბნებთან ხმის მიცემას ვერ შეძლებენ, შესაბამისად, მათ რეგისტრაციის ადგილზე მოუწევთ წასვლა, რაც დამატებით ხარჯებთანაა დაკავშირებული და ლოჯისტიკურად შეუძლებელია. ოპოზიციაში მიიჩნევენ, რომ ქართული არმია სალომე ზურაბიშვილს ხმას არ მისცემს და ხელისუფლებამ მსგავსი ბარიერები შეგნებულად შექმნა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.