ევროპული საბჭოს გადაწყვეტილების მოლოდინში

14.12.2023 09:14

პირველი არხი Georgian Public Broadcaster

არხი

ევროკავშირის წევრი 27-ივე ქვეყნის პირველი პირი ბრიუსელშია. უკვე რამდენიმე საათია ევროპული საბჭო საკმაოდ რთულ სხდომას მართავს. განხილვის მთავარი საკითხი არის ევროკავშირის პასუხი უკრაინის წინააღმდეგ რუსეთის ომით გამოწვეულ ახალ გეოპოლიტიკურ რეალობაზე. ლიდერების უმეტესობა თანხმდება, რომ არსებულ რეალობაში გაფართოება არის ქმედითი გეოპოლიტიკური ინსტრუმენტი ევროკავშირის განკარგულებაში და სტრატეგიული ინვესტიცია მშვიდობასა და უსაფრთხოებაში. საბჭოს წევრებმა გადაწყვეტილება უნდა მიიღონ საქართველოსთვის კანდიდატის სტატუსის მინიჭებაზე და ასევე გადადიან თუ არა მოლაპარაკების ეტაპზე მოლდოვასთან და უკრაინასთან. უკრაინის საკითხის დადებითად გადაწყვეტის წინააღმდეგია უნგრეთის პრემიერ-მინისტრი ვიქტორ ორბანი. ბრიუსელში უკვე გაკეთდა განცხადებები საქართველოზე. ლიდერები დადებითად არიან განწყობილი და ამბობენ, რომ ჩვენ შემთხვევაში ყველაფერი კარგად არის, რაც სავარაუდოდ ნიშნავს, რომ საქართველოს კანდიდატის სტატუსს მხოლოდ რამდენიმე საათიღა აშორებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: