ისრაელის საჰაერო იერიშები - ჰუმანიტარული კოლონის დაბომბვა

ცნობილი საერთაშორისო საქველმოქმედო ორგანიზაცია ღაზის სექტორში მუშაობას წყვეტს. ისრაელის სარაკეტო იერიშმა ჰუმანიტარული ორგანიზაციის შვიდი თანამშრომელი იმსხვერპლა. დაღუპულია ორგანიზაცია „მსოფლიოს ცენტრალური სამზარეულოს“ შვიდი წევრი, რომლებმაც შიმშილის პირას მყოფ არაბულ ანკლავში საკვები ჩაიტანეს. დაბომბილ ავტოკოლონაში რამდენიმე ქვეყნის მოქალაქეები იმყოფებოდნენ. დასავლეთის ქვეყნები ჰუმანიტარულ პერსონალზე დარტყმას მკაცრად გმობენ და ისრაელს განმარტებებს სთხოვენ. თელავივი გამოძიების პირობას დებს. ღაზის სექტორში სხვადასხვა ობიექტის და შენობის დაბომბვის პარალელურად ისრაელმა სირიაში ირანის საკონსულოს შენობა დაბომბა. ირანი „ჰამასის“ მხარდამჭერი და ისრაელის მოწინააღმდეგეა. თეირანი საერთაშორისო საზოგადოებას რეაგირებისკენ მოუწოდებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.