ლაზარე გრიგორიადისს ცხრა წლით პატიმრობა შეეფარდა

12.04.2024 07:06

პირველი არხი Georgian Public Broadcaster

არხი

უცხოური გავლენების შესახებ ხმაურიან კანონპროექტს უკავშირდება ის რეზონანსული საქმე, რომელზეც ერთწლიანი განხილვების შემდეგ მოსამართლემ დღეს გადაწყვეტილება გამოაცხადა. ლაზარე გრიგორიადისი დამნაშავედ სცნეს და ცხრაწლიანი პატიმრობა მიუსაჯეს. გრიგორიადისი შარშან რუსთაველის გამზირზე იმ აქციის დროს დააკავეს, რომელიც „ხალხის ძალის“ სახელით ინიცირებული უცხოური გავლენების შესახებ კანონპროექტის გასაპროტესტებლად მიმდინარეობდა. მას პოლიციელების მისამართით ე.წ. მოლოტოვის კოქტეილის სროლაში და პოლიციის კუთვნილი ავტომობილის დაწვაში ადანაშაულებდნენ. თავად ბრალდებული თავს დამნაშავედ არ მიიჩნევს. მოსამართლის ვერდიქტს მწვავე რეაქცია მოჰყვა უფლებადამცველებს შორის და ოპოზიციურ ფლანგზე. ოჯახი პრეზიდენტს შეწყალების თხოვნით მიმართავს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: