ანგელა მერკელს საქართველოში ელოდებიან

ანგელა მერკელს საქართველოში ელოდებიან. გერმანიის კანცლერის თვითმფრინავი თბილისის საერთაშორისო აეროპორტში 3 საათსა და 30 წუთზე დაეშვება. მას საგარეო საქმეთა მინისტრი დახვდება. დახვედრის ოფიციალური ცერემონია კი მთავრობის ადმინისტრაციაში გაიმართება. ანგელა მერკელი ვიზიტს, პრემიერ-მინისტრ მამუკა ბახტაძესთან აუდიენციით დაიწყებს. პირისპირ შეხვედრის შემდეგ საუბარი გაფართოებულ ფორმატში გაგრძელდება. რის შემდეგაც ანგელა მერკელი და მამუკა ბახტაძე ერთობლივ პრესკონფერენციას გამართავენ. დღეს ასევე დაგეგმილია გერმანიის კანცლერის შეხვედრა პრეზიდენტთან. ამის შემდეგ ანგელა მერკელი გმირთა მემორიალს გვირგვინით შეამკობს. ცნობილია, რომ საქართველოში ვიზიტის მეორე დღეს კანცლერი ოპოზიციის წარმომადგენლებსა და სწავლება „ღირსეული პარტნიორის“ მონაწილე გერმანელ ჯარისკაცებს შეხვდება. ჩავა საოკუპაციო ხაზთან, სადაც სადამკვირვებლო მისიის წარმომადგენლებს გაესაუბრება. ანგელა მერკელთან ერთად, გერმანიის დელეგაციაში შედიან: სახელმწიფო მდივანი, საქართველოში გერმანიის ელჩი; კანცელარიის სამხრეთ კავკასიის განყოფილების უფროსი, საგარეო და უსაფრთხოების საკითხებში კანცლერის მრჩეველი; ასევე მრჩეველები ეკონომიკური და ფინანსური პოლიტიკის საკითხებში და ევროპული პოლიტიკის საკითხებში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb