დაპირისპირება „ნაციონალურ მოძრაობაში“

შიდა პარტიული არჩევნების თარიღი ორად გაყოფილ „ნაციონალურ მოძრაობაში“ დაპირისპირების გამწვავების მიზეზი ხდება. თანაგუნდელები ერთმანეთს უკვე ბრიფინგებიდან და ტელეკამერებით ესაუბრებიან. ლევან ხაბეიშვილის ფრთა თავმჯდომარის არჩევნების შესაძლო გადადებას ეწინააღმდეგება და მოქმედ თავმჯდომარეს და კონკურენტს, ნიკა მელიას არჩევნების დროულად დასანიშნად ორშაბათს პოლიტსაბჭოს სხდომის მოწვევას სთხოვს. მოთხოვნას კიევიდან პასუხობს პოლიტსაბჭოს თავმჯდომარე კობა ნაყოფია, რომლის კომენტარმა დაადასტურა, რომ პარტიის ლიდერთა ორი ფრთა ერთმანეთს აღარ ელაპარაკება. პარალელურად გუნდის შიგნით არსებული განხეთქილების მიზეზებზე ნელ-ნელა დუმილს არღვევს ნიკა მელია, რომელიც დავით კეზერაშვილის შემდეგ პარტიის გენერალურ მდივანს, პეტრე ცისკარიშვილს აკრიტიკებს და ჯერ მინიშნებებით საუბრობს „ნაციონალურ მოძრაობაში“ მიმდინარე პროცესების უკან მდგომ ადამიანებზე და შიდა დაპირისპირებაზე, რომელიც როგორც ჩანს, 2020 წლიდან დაიწყო. მელიას მხრიდან ყველაფრისთვის ფარდის ახდის დაანონსების შემდეგ ხაბეიშვილი მოქმედ თავმჯდომარეს საჯაროდ უპირისპირდება.     ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.