გამკაცრებული ზომები

ამ წუთიდან ძალაში შედის ახალი ზომები. იკეტება ოთხი ქალაქი - თბილისი, რუსთავი, ქუთაისი და ბათუმი. დღეიდან, საღამოს ცხრა საათიდან, მომდევნო ათი დღის განმავლობაში, იკრძალება მითითებულ ქალაქებში შესვლა და პირიქით, გამოსვლა, გარდა ცალკეული გამონაკლისებისა. რა ხდება ქალაქების შესასვლელებთან - თბილისის ერთ-ერთი შემოსასვლელიდან ვაკო ორმოცაძე ჩაგვერთვება. მერაბ წულუკიძე ბათუმიდან ემზადება პირდაპირი ჩართვისთვის. რა ხდება ქუთაისში - ირმა ჭოლაძე შემოგვიერთდება რამდენიმე წუთში და ბოლოს რუსთავი, რომელიც ასევე იკეტება - რუსუდან ლოლაძე რამდენიმე წუთში. საკარანტინო რეჟიმის დროს ჩაკეტილ ქალაქებში შიდა მიმოსვლა საკუთარი ტრანსპორტით ნებადართული იქნება. თუმცა, ათი დღის განმავლობაში აიკრძალება კონკრეტული ქალაქიდან გასვლა ან შესვლა. გამონაკლისს წარმოადგენენ ის მოქალაქეები, რომლებიც ამ ოთხი ქალაქიდან რომელიმე ქალაქში არიან ჩაწერილები. მათ საშუალება ექნებათ, რომ ათი დღის განმავლობაში ჩაწერის ადგილზე დაბრუნდნენ, თუმცა, გასვლა აეკრძალებათ. გამონაკლისს წარმოადგენენ ცალკეული პროფესიების წარმომადგენლებიც, რომლებიც, საგანგებო მდგომარეობის მიუხედავად, მუშაობას განაგრძობენ. ვიწყებთ თბილისით - ვაკო ორმოცაძე გვიერთდება თბილისის შემოსასვლელიდან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.