ვითარება საოკუპაციო ხაზთან

რუსეთის მიერ დაგეგმილი პროპაგანდისტული ნაბიჯი, - ასე აფასებენ თბილისში ოკუპირებული ცხინვალის დე ფაქტო წარმომადგენლების განცხადებას. საგარეო უწყებაში განმარტავენ, რომ რუსეთი ვითარების დაძაბვას მიზანმიმართულად ცდილობს, რაც სიტუაციას ადგილზე კიდევ უფრო ართულებს, მით უფრო იმ პერიოდში, როდესაც მთელი საერთაშორისო საზოგადოების ყურადღება ვირუსთან ბრძოლაზეა გადატანილი. შეგახსენებთ, რომ ოკუპირებული ცხინვალის დე ფაქტო ხელისუფლების განცხადებით, ოფიციალური თბილისი, ევროკავშირის სადამკვირვებლო მისიის ხელშეწყობით, პროვოკაციულ ქმედებას ახორციელებს. საოკუპაციო რეჟიმი ირწმუნება, რომ  28-29 მაისს, საოკუპაციო ხაზთან ვერტმფრენები დააფიქსირეს. ამ ინფორმაციას თბილისში კატეგორიულად უარყოფენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.