აღარავინ დადის სოფელში, ხანდახან ლაპარაკიც მოგენატრება - 18 წლის გიორგი ტოგონიძე რაჭიდან
09/29/2020
Mtisambebi / მთის ამბები-ის
მიერ
© https://mtisambebi.ge/ - „მოგვიწოდებენ ონლაინ სწავლებაზე. უნდა ახვიდე გორაზე, ცოტა კარგად იქ იჭერს ინტერნეტი. ინტერნეტის პრობლემის მოხსნა სახელმწიფოსთვის ძალიან მარტივია, როგორც ფშავ-ხევსურეთში გაკეთდა. თან, იცით რა არის, აქ, მარტო რომ გამოდიხარ, მარტო რომ ხარ, ინტერნეტი ცოტა სტიმულს მოგცემს, რომ გაჩერდე, ისწავლი, პროფესია გექნება, განვითარდები, ცოტა გაიხალისებ ცხოვრებას. მიყვარს აქაურობა და არ წავალ აქედან. ხანდახან, რომ გამოვსულვარ გარეთ, სულ არავინ არის სოფელში, აღარავინ დადის. აი, ადამიანს რომ დაელაპარაკო, ხანდახან ლაპარაკიც კი მოგენატრება, რომ ვიღაცას რაღაც უთხრა, იმანაც გითხრას. უნდა ეომო ბუნებას და საკუთარ თავსაც, რომ აჯობო რაღაცეებს, აქ რომ გაჩერდე“, - 18 წლის გიორგი ტოგონიძე, რაჭის სოფელ ონჭევიდან.
