კუდ-ის მაღალჩინოსნების საქმე

კიდევ ერთი რეზონანსული საქმის სასამართლო განხილვები დასრულებულია. პირველმა ინსტანციამ კუდ-ის ყოფილ მაღალჩინოსანს, ლევან ქარდავას გამამტყუნებელი განაჩენი გამოუტანა. საქმე ეხება ურეკის პოლიციის ყოფილი უფროსის, ჯემალ შამათავას ეპიზოდს. სასამართლომ გაიზიარა პროკურატურის ვერსია, რომლის მიხედვით შამათავა 14 წლის წინ ციხეში ანგარიშსწორების გამო გამოგონილი ბრალდებით აღმოჩნდა და პატიმრობაში ექვსი წელი გაატარა. საგამოძიებო მასალების მიხევდით, ურეკის პოლიციის მაშინდელმა ხელმძღვანელმა ბადრი პატარკაციშვილის სახლთან დაგეგმილი გამაფრთხილებელი თავდასხმის შესახებ ბიზნესმენის დაცვას წინასწარ აცნობა და კუდ-ის მაშინდელი ოპერაცია ჩაშალა, რაც მისი დასჯის მიზეზი გახდა. საქმეში დევს კუდ-ის ორი ყოფილი მაღალჩინოსნის აღიარებითი ჩვენება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.