ფხალი ისპანახის

ისპანახის ფხალი

ისპანახი არის მცენარე, რომელიც მოგამარაგებთ ვიტამინებისა და სასარგებლო ნივთიერებების მთელი ნაკრებით, რაც ძალზედ აუცილებელია ადამიანის ჯანმრთელობაზე. გთავაზობთ რეცეპტს, რომელიც, როგორც მარხვის პერიოდში ასევე საახალწლოდაც გამოგადგებათ.

📌ინგრედიენტები:

📍ისპანახი – 1.500-2კგ.
📍ნიგოზი-250გრ.
📍ნიორი – 4-5კბილი ან თქვენი გემოვნებით.
📍ხახვი დაფქული(,,ოჯახური”) - 2ჩ/კ ან ერთი საშუალო თავი ხახვი (წვრილად დაკეპილი).
📍ნედლი ქინძი – ერთი საშუალო კონა.
📍უცხო სუნელი – 1 ჩ.კ.
📍ხმელი ქინძი – 1 ჩ.კ.
📍დაღერღილი წიწაკა – 1/2 ჩ.კ.
📍ზაფრანა - 1ჩ/კ.
📍მარილი – გემოვნებით.
📍ძმარი – სურვილისამებრ (1/2 ჩ.კ).
📍ბროწეული – 1 ც.

👩‍🍳მომზადების წესი:
ისპანახის ფოთლებს მოაჭერით ბოლოები და კარგად გარეცხეთ.
აადუღეთ ქვაბით წყალი და გარეცხილი ისპანახის ფოთლები მოთუთქეთ ადუღებულ წყალში.
მოთუთქული ისპანახის ფოთლები, კარგად გაწურეთ, გააგრილეთ და გაატარეთ ხორცსაკეპ მანქანაში ნიგოზთან, ნიორთან და ნედლ ქინძთან ერთად.
მიღებულ მასას მოაყარეთ უცხო სუნელი, ხმელი ქინძი, ზაფრანა, დაღერღილი წიწაკა, მარილი, სურვილისამებრ მოასხით ძმარი და კარგად შეურიეთ ერთმანეთს.
სუფრაზე მიტანის წინ კი შეგიძლიათ მისცეთ თქვენთვის სასურველი ფორმა და გააფორმოთ ბროწეულის მარცვლებით.
#ისპანახი #ფხალი