უკანონო ბორდერიზაცია და საერთაშორისო მხარდაჭერა საქართველოს

სოფელ ატოცში განვითარებული მოვლენების გამო რუსეთზე საერთაშორისო ზეწოლა გრძელდება. საქართველოში აშშ-ს საელჩო ახლადაღმართულ ბარიერებს ადგილობრივებისთვის საარსებო წყაროს წართმევად და გადაადგილების შეზღუდვად აფასებს და მოსკოვს ოკუპაციის შეწყვეტისკენ მოუწოდებს. მწვავეა ევროკავშირის ელჩის რეაქციაც. შექმნილი ვითარების გამო ევროკავშირის სადამკვირვებლო მისია ერგნეთის შეხვედრების ფორმატის უმოკლეს ვადებში აღდგენას ითხოვს. ქარელის რაიონის სოფელ ატოცთან ე.წ. საზღვრის მონიშვნის სამუშაოები ახლა შეჩერებულია. თუმცა ადგილობრივები რუსი სამხედროების გამოჩენას ყოველ წუთს ელიან. ამ დროისთვის რკინის ბოძები 400-მეტრიან მონაკვეთზეა გავლებული. საოკუპაციო რეჟიმის გეგმით, ატოცის მიმდებარე ტერიტორიაზე მავთულხლართების ერთკილომეტრიანი ღობის აღმართვა იგეგმება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.