კორონავირუსის 1731 ახალი შემთხვევა და 15 გარდაცვლილი

საქართველოში კორონავირუსი დღეს რეკორდულად ბევრმა ადამიანმა დაამარცხა. ბოლო 24 საათში კოვიდ-19-ისგან 2 197 მოქალაქე გამოჯანმრთელდა. ინფიცირებულთა რაოდენობა კი ბოლო დღეღამეში 1 731 პაციენტი გაიზარდა. გარდაიცვალა 15 კოვიდინფიცირებული. ინფექციის გავრცელების მთავარ კერად უკვე რამდენიმე დღეა თბილისი რჩება. დედაქალაქში ერთ დღეში კორონავირუსით 636 ადამიანი დაინფიცირდა. კვლავ მაღალია ინფიცირების მაჩვენებელი აჭარაში, სადაც კოვიდ-19-ის დიაგნოზი 333 ადამიანს დაუდგინდა. ინფიცირების მაჩვენებლით მესამე ადგილზე ქუთაისია, რაოდენობა 320-ით გაიზარდა. მზარდი სტატისტიკის მიუხედავად, ეპიდემიოლოგები ამბობენ, რომ მილიონ მოსახლეზე ინფიცირების შემთხვევები ევროპის ქვეყნებთან შედარებით მაინც დაბალია. უცვლელია რეკომენდაციები. დახურულ და ღია სივრცეში პირბადის ტარება და სოციალური დისტანცია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.