ბექა ნაცვლიშვილის განცხადება

საქართველოს პარლამენტის დამოუკიდებელი დეპუტატის, ბექა ნაცვლიშვილის შეფასებით, მთავრობამ სოფლის მეურნეობის განვითარების მიმართულებით არასწორი გადაწყვეტილება მიიღო, პროგრამის წარმოდგენა დააგვიანა, ასევე ვერ აიღო პასუხისმგებლობა სოფლის მეურნეობის მიზანმიმართულ განვითარებაზე და ეს პასუხისმგებლობა ისევ ბანკებს გადააბარა. ნაცვლიშვილის აზრით, მთავრობას სოფლის მეურნეობის სახელმწიფო განვითარების ბანკი უნდა შეექმნა. ასევე ანტიკრიზისულ გეგმაში საუბარი უნდა ყოფილიყო სასოფლო-სამეურნეო გადამამუშავებელ მრეწველობაზე,  აგროსასურსათო ბაზარზე, სოფლის მეურნეობისა და სხვა დარგების ურთიერთკავშირზე. „მთავრობის მიერ წარმოდგენილი პროგრამა, მხოლოდ წინასაარჩევნოდ გამიზნულ სოციალურ დახმარებას ჰგავს, რომელიც ქართული სოფლის მეურნეობისთვის არაფერს არ მოიტანს“, – განაცხადა ბექა ნაცვლიშვილმა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.