თამარ ხიდაშელი "პირველის" პრესკლუბში (15.03.2016)

„მე თბილისის სახელმწიფო უნივერსიტეტი მაქვს დამთავრებული და აღტაცებით ვუყურებ იმ სტუდენტებს, რომლებიც ცდილობენ თავიანთი პროტესტით და გამბედაობით დაიცვან უნივერსიტეტის ავტონომია." "ვფიქრობ, რომ საქართველოს სამოქალაქო კოდექსი, რომელიც არეგულირებს სამოქალაქო სფეროში ურთიერთობებს, ძალიან ნათლად და მკაფიოდ განსაზღვრავს ქორწინებას. იქ ნათლად არის მითითებული, რომ ქორწინება არის მამაკაცისა და ქალის ერთობა ოჯახის შექმნის მიზნით. ასე რომ, იგივეს ჩაწერა კონსტიტუციაში, ფუჭი დროის კარგვაა და ამავე დროს, სახიფათოა რაღაც ტიპის შიშების და განწყობების გასაღვივებლად საზოგადოებაში." "მსგავსი ტიპის დანაშაულების პრევენციისთვის, აუცილებელია, რომ ის ადამიანები, რომლებიც ამაში რაღაცნაირად მონაწილეობენ, პასუხისგებაში მიეცნენ და ადეკვატურად დაისაჯონ. სწორედ ეს იქნება ხელისუფლების მიერ განხორციელებული ეფექტური ნაბიჯი. რაც შეეხება youtube.com-ზე გავრცელებას, ეს თავისუფალი ქსელია, იქ გავრცელება ყველასთვის შესაძლებელია, ჩვენ ვერ მოვთხოვთ ხელისუფლებას, რომ დაუყოვნებლივ, დაიდება თუ არა youtube-ზე რაიმე მასალა, მაშინვე წაიშალოს, რადგან ეს მოითხოვს ხელისუფლების, პროკურატურის, სამართალდამცავი უწყებების განუსაზღვრელ ადამიანურ და ტექნიკურ რესურსებს." თამარ ხიდაშელმა 15 მარტს "პირველის" პრესკლუბში მიმდინარე პოლიტიკური მოვლენები მიმოიხილა.