ვოლოდიმირ ზელენსკი ბაშარ ალ ასადს სანქციებს უწესებს

პრეზიდენტ ზელენსკის განკარგულებით, უკრაინამ სირიის პრეზიდენტის წინააღმდეგ სანქციები დააწესა. დოკუმენტის თანახმად, ბაშარ ალ-ასადის წინააღმდეგ სანქციები 10 წლის ვადით განისაზღვრა. სანქციები ასევე დაწესდა სირიის პრემიერისა და ქვეყნის საგარეო საქმეთა მინისტრის წინააღმდეგ. გარდა ამისა, სანქციების ქვეშ აღმოჩნდა ასევე ისლამური რევოლუციის გვარდიის კორპუსის მეთაურიც. საერთო ჯამში, სია შეიცავს 300 სახელს, რომელთა უმეტესობა რუსეთის ფედერაციის მოქალაქეა. გასულ წელს, უკრაინამ სირიასთან დიპლომატიური ურთიერთობა გაწყვიტა. ცოტა ხნის წინ, ბაშარ ალ-ასადმა სრული მხარდაჭერა გამოუცხადა ვლადიმერ პუტინის ქმედებებს და რუსეთის ომს უკრაინის წინააღმდეგ „ძველ და ახალ ნაცისტებთან“ ბრძოლა უწოდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.