ვითარება ოკუპირებულ აფხაზეთში - პოლიტიკოსების შეფასება

აფხაზეთის ავტონომიური რესპუბლიკის მთავრობის თავმჯდომარე სოხუმში მიმდინარე პროცესებს საოკუპაციო ძალის ეფექტიანი მმართველობის შედეგს უწოდებს. რუსლან აბაშიძის თქმით, საოკუპაციო ძალა შეეცდება ეთნიკური წმენდისა და ოკუპაციის ლეგიტიმაცია ნებისმიერი გზით მოახდინოს. აფხაზეთის ავტონომიური რესპუბლიკის უმაღლესი საბჭოს თავმჯდომარე აფხაზეთში მიმდინარე პროცესებს აფასებს. ჯემალ გამახარია აცხადებს, რომ ის, რასაც პოლიტიკურ კრიზისს უწოდებენ, სინამდვილეში ქაოსი და ოკუპაციის თანმდევი მოვლენაა. მისივე თქმით, ოკუპანტებს ყოველთვის აქვთ ნაღმები ასეთ ტერიტორიებზე, რომლებიც პერიოდულად მოჰყავთ მოქმედებაში. ჯემალ გამახარიას პროგნოზით, ე.წ. ხელისუფლება მეტად კრიმინალური ჯგუფით დაკომპლექტდება, თუმცა, ეს პროცესები, თავის მხრივ, ხელს შეუწყობს ოკუპირებულ აფხაზეთში საზოგადოების განვითარებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.