„სტუ-ს სტუდენტური დღეები 2018“

„სტუ-ს სტუდენტური დღეები 2018“-ის ფარგლებში კინო ვიქტორინას ჩემპიონატი გაიმართა,რომელიც ორი ეტაპისგან შედგებოდა,ხოლო თითოეული ეტაპი 12-12შეკითხვას მოიცავდა და გუნდებს ერთი წუთის განმავლობაში უნდა დაეფიქსირებინათ პასუხები. ჩემპიონატში მონაწილეობას თერთმეტივე ფაკულტეტის გუნდი იღებდა,მათგან კი გამარჯვება ინფორმატიკისა და მართვის სისტემების ფაკულტეტის გუნდმა მოიპოვა და კიდევ ერთი,მეექვსე ოქროს მედლის მფლობელი გახდა. სტუ-ს სტუდენტური თვითმმართველობის პრეზიდენტის რატი გურგენიძის განცხადებით ეს ტურნირი პროექტის ფარგლებში პირველად ჩატარდა „წელს პირველად ჩავატარეთ კინო ვიქტორინა, ძალიან საინტერესო აღმოჩნდა ეს თამაში.ფინალურ ეტაპზე გადავიდა ოთხი საუკეთესო გუნდი,ძალიან დაძაბული თამაში იყო და გამარჯვება ინფორმატიკისა და მართვის სისტემების ფაკულტეტმა მოიპოვა.ეს მათთვის მეექვსე ოქროს მედალია ამ პროექტის ფარგლებში,მინდა მივულოცო და წარმატებები ვუსურვო“.ჩემპიონატის გამარჯვებული სტუდენტი ნოდარ ქათამაშვილის განცხადებით: „თანაბრად მიდიოდა თამაში.საერთო ჯამში კმაყოფილები ვართ ყველა.ძალიან ძლიერი გუნდები იყვნენ, მობილიზებულები. ბოლოს დავეწიეთ ყველა გუნდს,ორი ქულით ვაგებდით და ბოლოს მაინც გავიმარჯვეთ და ძალიან კმაყოფილები ვართ“.