ბაჩალიაშვილის ოჯახის სარჩელი

01.02.2021 01:10

პირველი არხი Georgian Public Broadcaster

არხი

გარდაცვლილი პროგრამისტის, თამარ ბაჩალიაშვილის ოჯახის წევრებმა და ადვოკატებმა თბილისის საქალაქო სასამართლოში საჩივარი შეიტანეს. ბაჩალიაშვილები გამოძიების შეწყვეტას აპროტესტებენ და მოითხოვენ, საქმე დაბრუნდეს გამოძიების ეტაპზე. ასევე თამარ ბაჩალიაშვილის მამას, ჯუმბერ ბაჩალიაშვილს, დაუბრუნდეს დაზარალებულის უფლებამონაცვლის სტატუსი. აღნიშნული საჩივრით ბაჩალიაშვილების ოჯახის წევრებმა რამდენიმე დღის წინ პროკურატურასაც მიმართეს, თუმცა უწყებამ მათი საჩივარი არ დააკმაყოფილა. სწორედ პროკურატურის აღნიშნული გადაწყვეტილება გაასაჩივრეს ბაჩალიაშვილებმა საქალაქო სასამართლოში. თამარ ბაჩალიაშვილის ოჯახის ადვოკატების თქმით, იმ შემთხვევაში, თუ მათ საჩივარს არც საქალაქო სასამართლო დააკმაყოფილებს, ისინი სტრასბურის სასამართლოს მიმართავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: