საკონსტიტუციო სასამართლოს გადაწყვეტილება ომბუდსმენის სარჩელზე

ნარკოტიკზე, რომელიც სწრაფ შეჩვევას და აგრესიულ ქმედებას არ იწვევს, პატიმრობა უქმდება. ასეთია საკონსტიტუციო სასამართლოს გადაწყვეტილება, სახალხო დამცველის სარჩელთან დაკავშირებით. ომუდსმენის განაცხადი ნაწილობრივ დაკმაყოფილდა. სასამართლომ მიიჩნია, რომ ერთი მოხმარებისთვის, იმ ნარკოტიკული საშუალების მცირე რაოდენობით გამოყენებაზე, ან მის დამზადება-შეძენა-  შენახვაზე, რომელიც საზოგადოებრივ საფრთხეს არ ქმნის,  სასჯელის სახით თავისუფლების აღკვეთის გამოყენება, არაადამიანურია. ამავდროულად, საკონსტიტუციო სასამართლომ ძალაში დატოვა კანონის ის ნორმა და სასჯელის ფორმაც ნარკოტიკებთან მიმართებაში, რაც სწრაფ შეჩვევას და აგრესიულ ქცევას იწვევს. ამ ნარკოტიკის მოხმარება ისევ დასჯადი იქნება. ასევე სასამართლოს განმარტებით, უნდა მოხდეს ნარკოტიკული საშუალებების დაყოფა ორ კატეგორიად.  ახლა უკვე პარლამენტის პრეროგატივაა უფრო მკაფიოდ განსაზღვროს, რომელი ნარკოტიკული საშუალება, რომელ კატეგორიაში მოექცევა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.