\"მერი\" - საოკუპაციო ხაზათან მცხოვრები ახალგაზრდა ქალია, რომელიც ნინო ჩიბჩიურის მოკლემეტრაჟიან ფილმში ადგილობრივი ოჯახების მდგომარეობას ასახავს. კადრებში რუსეთის ერთ-ერთი სამხედრო ბაზა ჩანს, რომლის სიახლოვეს, ახალუბნის თემში მცხოვრები ქალები სასოფლო-სამეურნეო საქმიანობას ახორციელებენ. მდებარეობიდან გამომდინარე სოფელი მიგრაციის საფრთხის წინაშეა. ფილმიც სწორედ ამ პრობლემას ასახავს მერი კორინთელის მაგალითზე, რომელმაც ყველა გზა მოსინჯა ცხოვრების უკეთესობისკენ შეცვლისთვის. მათ შორის, სოფლიდან ქალაქში ჩადიოდა ქალთა გაძლიერებისკენ მიმართულ ტრენინგებზე დასასწრებად, ჩართული იყო სოფლის მეურნეობაში, თუმცა თანდათან ხვდება, რომ ეს აქტიურობა არასაკმარისია მისი ოჯახის ყოველდღიური საჭიროებების დასაკმაყოფილებლად. საბოლოოდ, ისიც იღებს ემიგრაციაში წასვლის გადაწყვეტილებას და ემშვიდობება მძინარე შვილს.
#ფილმები #გორი #როგორ
#ფილმები #გორი #როგორ
