კორონავირუსი - ეპიდემიოლოგიური ვითარება საქართველოში

მიმდინარე კვირა საქართველოსთვის, კორონავირუსის გავრცელების კუთხით, ყველაზე მძიმე გამოდგა - ბოლო ექვს დღეში ქვეყანაში კორონავირუსის 1079 შემთხვევა გამოვლინდა, რაც საერთო ინფიცირებულების თითქმის 30 პროცენტია. მხოლოდ გასული დღე-ღამის განმავლობაში, საქართველოში ვირუსის 187 ახალი შემთხვევაა დადასტურებული, ამაზე მეტი, 192 შემთხვევა თებერვლის შემდეგ მხოლოდ ერთხელ, სამი დღის წინ დაფიქსირდა. ისევ უცვლელია ინფექციის გავრცელების მთავარი კერა - აჭარაში ინფიცირებულთა რაოდენობა 24 საათში 116-ით გაიზარდა. რეგიონში „კოვიდ-19“-ის დიაგნოზით სამედიცინო დაწესებულებასა და სასტუმროებში, ექიმების მეთვალყურეობის ქვეშ, ახლა 800-მდე პაციენტი რჩება. თბილისში კი ვირუსი კიდევ 30 ადამიანს დაუდგინდა, მათ შორისაა საკრებულოს დეპუტატი, ჯაბა ჯიშკარიანიც, რომელსაც კონტაქტი პარლამენტის ინფიცირებულ დეპუტატებთან, ლევან გოგიჩაიშვილთან და გედევან ფოფხაძესთან ჰქონდა. ამ დრომდე მზარდია ქუთაისის 32-ე საჯარო სკოლის კლასტერიც. ვირუსის გავრცელების საფრთხის გამო, ქალაქში დაკეტილია სავაჭრო ცენტრი „გრანდმოლი“. მზარდი სტატისტიკის მიუხედავად, სპეციალისტების თქმით, სიტუაცია კონტროლს სრულად ექვემდებარება. მარიამ სეთურიძე დეტალებით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.