სააკაშვილის მხარდამჭერებს კონტრაქცია-პერფორმანსით დახვდნენ

მიხეილ სააკაშვილის მხარდამჭერები სამეგრელოდან კონტრაქცია-პერფორმანსით გამოაცილეს „ქართული ოცნების“ წევრებმა. აბაშაში შეკრებილებმა „ნაციონალური მოძრაობისა“ და მსჯავრდებული პრეზიდენტის მხარდამჭერებს ცოცხები დაახვედრეს. „ნაციონალური მოძრაობის“ წევრის, პარლამენტის დეპუტატის, ანი წითლიძის ინფორმაციით, კოლონას გზა 30-კაციანმა ჯგუფმა ცოცხებით გადაუკეტა. მისივე განცხადებით, მათ შორის არიან ზუგდიდის საკრებულოს წევრები.  


მიხეილ სააკაშვილის მხარდამჭერ აქციაზე თბილისში წამსვლელ კოლონებს მოქალაქეები კონტრაქციითა და პერფორმანსით დახვდნენ თბილისი-ვაზიანი-თელავის საავტომობილო გზაზე. მათ ცოცხებითა და ყავარჯნებით სირცხვილის კორიდორი მოაწყვეს. სირცხვილის კორიდორი მოეწყო გურჯაანშიც. „ნაციონალური მოძრაობის“ კახეთის ორგანიზაციის ხელმძღვანელის განცხადებით, აღნიშნული აქციები არის აგონიაში მყოფი ხელისუფლების ხელწერა.


ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://bit.ly/2WZv1qY
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.