აფხაზი მხატვრის, ნიკა ემუხვარის პერსონალური გამოფენა

სიღნაღის მუზეუმი აფხაზი მხატვრის, ნიკა ემუხვარის პერსონალურ გამოფენას მასპინძლობს. ექსპოზიცია სახელწოდებით „სარა ბარა ბზია ბზბოიტ - მე შენ მიყვარხარ“ სიღნაღის ისტორიულ-ეთნოგრაფიულ მუზეუმში დღეს გაიხსნა. ახალგაზრდა მხატვარს აბსტრაქტული ჟანრის 30 ფერწერული ნამუშევარი აქვს წარმოდგენილი, მათი შექმნის კონცეფცია სიყვარულის თემას ეფუძნება. მხატვრის თქმით, აღნიშნული გამოფენა ასევე ეხმიანება აფხაზურ-ქართულ ურთიერთობებს. პირველ დამთვალიერებელს და სკოლის ასაკის ბავშვებს ხელოვანმა მასტერკლასიც ჩაუტარა. საქართველოს კულტურის სამინისტროს, ასევე, აფხაზეთის კულტურის, სპორტისა და ახალგაზრდულ საქმეთა სააგენტოს მხარდაჭერით გამოფენა 31 ივლისამდე გაგრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.