ზამთრის ოლიმპიური თამაშების სპორტსმენებს კორონავირუსი დაუდასტურდათ

30.01.2022 00:53

პირველი არხი Georgian Public Broadcaster

არხი

ჩინეთში ოლიმპიადის მონაწილე პერსონალის 34 წევრს „კოვიდ-19“ დაუდასტურდა. პეკინის ოლიმპიადის საორგანიზაციო კომიტეტის ცნობით, ინფიცირებულთაგან 13 სპორტსმენი ან სპორტული გუნდის წევრია, რომლებსაც კოვიდი აეროპორტში ჩასვლის შემდეგ დაუდასტურდათ. 11 შემთხვევა კი დახურულ სივრცეში დადასტურდა, რომელიც ღონისძიების პერსონალის გარე კონტაქტებისგან დაცვას უზრუნველყოფს. სივრცე საშუალებას აძლევს თამაშების მონაწილეებს თავისუფლად იმოძრაონ თავიანთ საცხოვრებელსა და ოლიმპიურ ადგილებს შორის ოფიციალური ტრანსპორტით, მაგრამ მათ ქალაქში თავისუფლად გადაადგილების უფლება არ აქვთ. „რეიტერის“ინფორმაციით, ჩინეთმა იზოლირება მოახდინა ნულოვანი ტოლერანტობის პოლიტიკით და თითქმის ყველა საერთაშორისო ფრენა გააუქმა, რაც იმას ნიშნავს, რომ ოლიმპიური სპორტსმენები და სხვადასხვა ქვეყნის წარმომადგენლები პირდაპირ ქალაქში ჩარტერებით უნდა ჩაფრინდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: