ჯამლეტ ხუხაშვილის ხსოვნისადმი მიძღვნილი საღამო

ებრაული ისტორიის მუზეუმში ჯამლეტ ხუხაშვილის ხსოვნისადმი მიძღვნილი საღამო გაიმართა. ღონისძიებას ჯამლეტ ხუხაშვილის ოჯახის წევრები, ახლობლები და კოლეგები ესწრებოდნენ. საღამოზე ჯამლეტ ხუხაშვილის შესახებ გადაღებული დოკუმენტური ფილმი აჩვენეს. სტუმრებს სიმბოლური ჯილდოებიც გადაეცათ, რის შემდეგაც საბავშვო ანსამბლმა „ლაშქარმა“ ცეკვა შეასრულა. სპორტული კომენტატორის ხსოვნისადმი მიძღვნილი საღამოს ადგილიც სიმბოლურად შეირჩა - ჯამლეტ ხუხაშვილი ებრაული მუზეუმის აღორძინების საბჭოს თავმჯდომარე იყო და მას მუზეუმის რესტავრირებაშიც მიუძღვის წვლილი. თბილისის საპატიო მოქალაქე 1998 წელს დაჯილდოვდა ღირსების ორდენით, ქართული სპორტის განვითარების, მისი პოპულარიზაციის, ქართველ და ებრაელ ხალხთა ურთიერთობების განმტკიცების საქმეში შეტანილი პირადი წვლილისთვის. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.