ფესტივალი "მემკვიდრეობა" - გოდერძი შარაშიას და ნინელი გოგიტიძის ფილმების ჩვენება

ქობულეთის მუნიციპალიტეტის კულტურის, განათლების, სპორტისა და ტურიზმის სამსახურის მხარდაჭერით, ქობულეთის მუზეუმის კინოდოკუმენტალისტიკის დარბაზში, რეჟისორ გოდერძი შარაშიას ფილმ "წერილი" და ნინელი გოგიტიძის "გიორგობის" ჩვენება და პოეტ მაყვალა დავლაძის კრებულის "ფერთა ჰარმონიის" პრეზენტაცია გაიმართა. გოდერძი შარაშიას ფილმი "წერილი" ხელოვნების საერთაშორისო ფესტივალ "მემკვიდრეობის" კონკურსზე გამარჯვებულთა სამეულში მოხვდა. კინოსურათი ათონის მთაზე ქართულ კვალზე და ღვთისმსახურებაზე, ივერონის მონასტერზე, სასწაულმოქმედ ღვთისმშობლის ხატზე და თორნიკე ერისთავზე მოგვითხრობს. ფილმი მთავრდება ათონის მთაზე მოღვაწე ბერის წერილით. რაც შეეხება ნინელი გოგიტიძის ფილმს "გიორგობას", ხელოვნების საერთაშორისო ფესტივალ "მემკვიდრეობის" კონკურსზე მას საუკეთესო სტუდენტური ნამუშევრის წოდება მიენიჭა. ფილმების ჩვენება აჭარაში უწმინდესისა და უნეტარესის, ილია მეორისადმი მიძღვნილი კვირეულისა და ხელოვნების საერთაშორისო ფესტივალ "მემკვიდრეობის" ფარგლებში გაიმართა. Facebook:   / fundstandrewscross   Web-page: http://www.fsac.ge/ E-mail: [email protected]