შეხვედრა თურქეთის ელჩთან

აქართველოში თურქეთის ელჩთან შეხვედრა გაიმართა საგარეო საქმეთა სამინისტროში. მინისტრის მოადგილე, დიპლომატს, თურქეთის ტერიტორიაზე, ოკუპირებულ აფხაზეთში მომუშავე ე.წ. ბანკების პლასტიკური ბარათების გამოყენების საკითხზე ესაუბრა. ოკუპირებული აფხაზეთის ე.წ ეროვნულმა ბანკმა, თურქული ბანკების მიერ „აპრას“ გოლდ ბარათების  მომსახურებაზე ინფორმაცია გუშინ გაავრცელა. ელჩის განცხადებით, თურქეთი აღიარებს საქართველოს სუვერენიტეტსა და ტერიტორიულ მთლიანობას და ოკუპირებული ტერიტორიებისთვის ფინანსური სერვისების მიწოდებაზე შეთანხმება ვერასდროს გაფორმდებოდა. ელჩის ინფორმაციით, საბანკო ბარათებისა და  ფინანსური სერვისების საკითხი მოიცავს რუსული ბარათების გარკვეულ ჯგუფს, რომელიც მომხმარებლებს სთავაზობს სერვისებს თურქეთში. ელჩის ინფორმაციით, თურქული ფინანსური ორგანიზაციების ოპერირება ოკუპირებული აფხაზეთის ტერიტორიაზე არ ხდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.