სოფელ ზეკარის მიმდებარე ტერიტორიაზე ხანძარია

11.11.2018 01:20

პირველი არხი Georgian Public Broadcaster

არხი

ხანძარია ბაღდათის რაიონის სოფელ ზეკარის მიმდებარე ტერიტორიაზე, სადაც საგანგებო სიტუაციების მართვის სააგენტომ დამატებითი ძალები გაგზავნა. ადგილზე გვიან ღამით გაიგზავნა ტყის ხანძრის ქრობის ახალი ტექნიკა და მეხანძრე-მაშველების დამატებითი ჯგუფები. შექმნილია საგანგებო შტაბი. ამ დროისთვის, ადგილზე 110 მეხანძრე-მაშველი მუშაობს. მიმდინარეობს ხანძრის ლოკალიზება. ცეცხლი შერეული ტყის ქვედა საფარს მოედო. წინასწარი ინფორმაციით, დამწვარია 5 ჰექტარი ფართობის ტერიტორია. საგანგებო სიტუაციების მართვის სააგენტოს ინფორმაციით, დასახლებულ ტერიტორიებზე ცეცხლის გავრცელების საშიშროება არ არსებობს. შინაგან საქმეთა სამინისტრომ გამოძიება 187-ე მუხლის მე-2 ნაწილით დაიწყო, რაც ცეცხლის წაკიდებით სხვისი ნივთის დაზიანებას ან განადგურებას გულისხმობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: