ლუკ კოფი - შტატებმა საჯაროდ უნდა განაცხადოს, რომ საქართველოს ნატო-ში შესასვლელად "მაპი" არ სჭირდება

შტატებმა საჯაროდ უნდა განაცხადოს, რომ საქართველოს ნატო-ში შესასვლელად ნატო-ში შარ სჭირდება, ეს ცნობილი ამერიკელი პოლიტოლოგის ლუკ კოფის სიტყვებია. სტრატეგიული კვლევითი ცენტრის ანალიტიკოსმა სტატია გამოაქვეყნა, რომელშიც წერს, რომ თინა ხიდაშელის პენტაგონში პირველი ვიზიტი ქვეყნებს შორის უფრო ღრმა, ორმხრივი თანამშრომლობის საფუძველი გახდება. პოლიტოლოგი წერს, რომ საქართველო აშშ-ის ერთ-ერთი საუკეთესო მოკავშირეა ევროპაში. "ევროატლანტიკურ რეგიონში მხოლოდ რამდენიმე ქვეყანა გამოხატავს მსგავს ენთუზიაზმს ნატო-ს მიმართ, როგორც საქართველო - მიუხედავად იმისა, რომ ის ალიანსის წევრი ჯერ არ არის. ნატო-საქართველოს კავშირები ამაზე ახლოს არასოდეს ყოფილა. ნატო-ს ბოლო სამიტის დროს ალიანსმა მოიწონა "ნატო-საქართველოს პაკეტი", რომელიც საქართველოს თავდაცვით და ალიანსთან თავსებადობის შესაძლებლობებს გააძლიერებს. "აშშ-მა უნდა გამოიყენოს ხიდაშელის ვიზიტი იმისთვის, რომ აღიაროს საქართველოს მიერ ტრანსატლანტიკური სივრცის უსაფრთხოებაში შეტანილი მნიშვნელოვანი წვლილი"- აცხადებს ანალიტიკოსი. სტატიაში საუბარია რუსეთის დაუსრულებელ აგრესიაზეც.